10 лістапада, Мінск /Кар. БЕЛТА/. Беларус Яўген Цуркін заняў другое месца на этапе Кубка свету па плаванні ў 25-метровым басейне, які стартаваў у Пекіне, паведамляе карэспандэнт БЕЛТА.
На дыстанцыі 100 метраў батэрфляем Цуркін фінішаваў з рэзультатам 51,18 сек. Лепш выступіў толькі Чад ле Кло з ПАР - 49,18 сек. Бронзавым прызёрам стаў чэмпіён свету на стаметроўцы на спіне Сюй Цзяюй з Кітая - 51,52 сек.
У Пекіне стартаваў заключны чацвёрты этап Кубка свету па плаванні на кароткай вадзе. Спаборніцтвы ў сталіцы Кітая прадоўжацца да 11 лістапада, затым турніры пройдуць у Токіа і Сінгапуры. Раней этапы Кубка свету прайшлі ў Маскве, Берліне, Эйндховене, Ганконгу і Досе, дзе ўдала выступалі іншыя беларускія плыўцы - Павел Санковіч і Ілья Шымановіч.
Па выніках усіх этапаў пераможцы і прызёры агульнага рэйтынгу атрымаюць грашовыя ўзнагароды. У бягучым сезоне агульны прызавы фонд спаборніцтваў складае $2 млн.-0-
