Поўная версія

Італія ўпершыню з 1958 года не згуляе на футбольным ЧС

Спорт 14.11.2017 | 09:53
Джанлуіджы Буфон не згуляе на чэмпіянаце свету. Фота УЕФА
Джанлуіджы Буфон не згуляе на чэмпіянаце свету. Фота УЕФА

14 лістапада, Мінск /Кар. БЕЛТА/. Зборная Італіі не здолела прабіцца ў фінальную стадыю футбольнага чэмпіянату свету, уступіўшы камандзе Швецыі. Апошні раз такое здарылася з італьянцамі ў 1958 годзе, калі фінал ЧС прымала Швецыя, паведамляе карэспандэнт БЕЛТА.

У цяперашнім адборачным цыкле сусветнага першынства футбалісты Італіі занялі другое месца ў групе G следам за Іспаніяй, таму ім давялося гуляць стыкавыя паядынкі са шведамі. У першым з іх 10 лістапада ў Стакгольме скандынавы перамаглі грозных сапернікаў з мінімальнай перавагай 1:0 дзякуючы голу Якаба Юхансана. У сустрэчы ў адказ 13 лістапада ў Мілане італьянцы мелі вялікую перавагу, але іх атакам не хапала вастрыні, а калі небяспечныя моманты і ўзнікалі, то галкіпер і абаронцы гасцей паспяхова ліквідавалі іх. У выніку сустрэча так і завяршылася без забітых мячоў - 0:0 і чатырохразовым чэмпіёнам свету не давядзецца паехаць у Расію наступным летам. Зборная Швецыі, якая была супернікам беларусаў у кваліфікацыйнай групе А, не гуляла сярод мацнейшых каманд планеты з 2006 года, прапусціўшы два папярэднія сусветныя чэмпіянаты.

Апошні прадстаўнік Старога Свету на расійскім ЧС-2018 вызначыцца сёння познім вечарам у Дубліне пасля сустрэчы ў адказ футбалістаў Ірландыі і Даніі. Іх першы стыкавы паядынак у Капенгагене завяршыўся ўнічыю - 0:0.

З такім жа рэзультатам скончыліся і два першыя міжкантынентальныя "стыкі": Гандурас - Аўстралія і Новая Зеландыя - Перу. Сустрэчы ў адказ у гэтых парах адбудуцца 15 лістапада ў Сіднеі і Ліме.-0-

Навіны рубрыкі Спорт
Марын Чыліч і Рафаэль Надаль. Фота з афіцыйнага сайта турніру Рафаэль Надаль зняўся з Australian Open з-за траўмы нагі
Учора 18:54
Лыжнік Сяргей Далідовіч у выдатнай форме і рыхтуецца да сваёй сёмай Алімпіяды - старшыня БФЛГ
Учора 17:13
Лідары расійскіх зборных Шыпулін і Усцюгаў адсутнічаюць у спісе запрошаных на АГ спартсменаў
Учора 14:57
Кайл Эдмунд. Фота з афіцыйнага сайта турніру Брытанец Кайл Эдмунд і бельгійка Эліз Мартэнс упершыню прабіліся ў паўфінал Australian Open
Учора 14:05
Каманда "МАЗ-СПОРТаўта" 26 студзеня сустрэнецца з журналістамі ў прэс-цэнтры БЕЛТА
Учора 13:39
Беларусы ўступілі шведам, французы перамаглі сербаў на гандбольным чэмпіянаце Еўропы
Учора 12:16
Роджэр Федэрэр. Фота з афіцыйнага сайта турніру Швейцарац Роджэр Федэрэр выйшаў у чвэрцьфінал Australian Open, беларусы завяршылі турнір
22 студзеня, 15:02
Беларус Яўген Каралёк атрымаў перамогу ў скрэтчы на этапе КС па веласпорце на трэку ў Мінску
22 студзеня, 10:48
Дар'я Домрачава перамагла ў мас-старце на этапе КC у Антхольцы
22 студзеня, 09:00
Поўная версія