15 мая, Мінск /Кар. БЕЛТА/. Зборная Латвіі па хакеі з лікам 3:0 абыграла Італію на чэмпіянаце свету ў Славакіі, паведамляе карэспандэнт БЕЛТА.
Латвійцы, нягледзячы на перавагу ў хуткасці над сапернікамі, не вызначыліся высокай рэзультатыўнасцю. Італьянцы стараліся надзейна згуляць у абароне і прапусцілі толькі тройчы. Аўтарамі галоў у Латвіі сталі Робертс Букартс, Рыхардс Марэніс і Тэадорс Блугерс.
У 2021 годзе Латвія сумесна з Беларуссю прыме чэмпіянат свету ў элітным дывізіёне. Беларускія хакеісты згуляюць у класе мацнейшых праз год у 2020 годзе ў Швейцарыі.
Турнірнае становішча групы В: Расія - 9 ачкоў (3 матчы), Швейцарыя - 6 (2), Чэхія - 6 (3), Швецыя - 6 (3), Латвія - 6 (3), Нарвегія - 0 (3), Аўстрыя - 0 (2), Італія - 0 (3).
У групе А зборная Даніі не пакінула шанцаў лядовай дружыне з Вялікабрытаніі - 0:9.
Турнірнае становішча групы А: Фінляндыя - 7 (3), Германія - 6 балаў (2), Канада - 6 (3), ЗША - 5 (3), Славакія - 3 (2), Данія - 2 (2), Францыя - 1 (2) , Вялікабрытанія - 0 (2).-0-
