5 снежня, Мінск /Кар. БЕЛТА/. Грэчаскі абаронца Яніс Каргас пакідае брэсцкае "Дынама". Кантракт скасаваны па пагадненні бакоў. Інфармацыя аб гэтым размешчана на афіцыйным сайце брэсцкага футбольнага клуба, паведамляе БЕЛТА.
23-гадовы грэк стаў іграком брастаўчан у пачатку гэтага года і правёў у складзе дынамаўцаў 26 матчаў. Разам з таварышамі па камандзе Яніс Каргас выйграў Суперкубак і Кубак Беларусі. У чэмпіянаце Беларусі брэсцкае "Дынама" заняло 6-е месца і стала ўладальнікам прыза глядацкіх сімпатый.-0-