23 кастрычніка, Мінск /Кар. БЕЛТА/. Беларускі спартсмен Генадзь Лапцеў (вагавая катэгорыя 67 кг) заваяваў сярэбраную ўзнагароду на маладзёжным чэмпіянаце Еўропы па цяжкай атлетыцы, што праходзіць 17-27 кастрычніка ў Бухарэсце, паведамляе карэспандэнт БЕЛТА.
У дваябор'і (рывок і штуршок) беларус паказаў рэзультат 303 кг (138+165). Залаты медаль зборнай Італіі прынёс Мірка Зані (145+170). На трэцім радку падагульняючага пратакола размясціўся грузін Гога Чхеідзэ (135+166).
Беларускія юніёры Ігар Лазко (81 кг) і Сяргей Шаранкоў (89 кг) выступяць 24 кастрычніка.
Раней іх партнёрша па камандзе Людміла Псышчаніца (55 кг) паднялася на вышэйшую прыступку п'едэстала гонару ў дваябор'і на кантынентальным форуме сярод моладзі.
У Бухарэсце ў юніёрскім (U20) і маладзёжным (U23) чэмпіянатах Еўропы ўдзельнічаюць каля 500 спартсменаў з 40 краін. Абодва турніры ліцэнзійныя і даюць атлетам права зарабіць ачкі ў алімпійскі рэйтынг Токіа-2020. Юніёрскі чэмпіянат мае залаты статус, маладзёжны - сярэбраны.-0-
