2 кастрычніка, Мінск /Кар. БЕЛТА/. Гродзенскі "Нёман" перамог на сваім полі "Гомель", атрымаўшы трэцюю вікторыю запар у матчах чэмпіянату Беларусі па футболе, паведамляе карэспандэнт БЕЛТА.
У пачатку першай палавіны гульні ў Гродне гамяльчане мелі невялікую перавагу, але не змаглі выкарыстаць выгадныя моманты для ўзяцця варот. Затое гаспадары на 31-й хвіліне змаглі выйсці наперад пасля гола Паўла Цеслюкевіча. Пасля перапынку "Нёман" цалкам кантраляваў ход сустрэчы, і на 77-й хвіліне Глеб Расадкін эфектным ударам устанавіў канчатковы вынік - 2:0 на карысць "Нёмана".
У матчы двух фаварытаў першынства барысаўскі БАТЭ на сваім полі атрымаў валявую перамогу над мінскім "Дынама" з лікам 2:1. Барысаўчане адарваліся ад бліжэйшых праследавацеляў на 12 ачкоў.
Вынікі астатніх сустрэч 23-га тура: "Шахцёр" (Салігорск) - "Гарадзея" - 1:0, "Мінск" - "Днепр" (Магілёў) - 4:0, "Луч" (Мінск) - "Іслач" (Мінскі раён) - 1:1, "Смалявічы" - "Тарпеда" (Мінск) - 0:2, "Тарпеда-БелАЗ" (Жодзіна) - "Віцебск" - 2:0, "Дынама" (Брэст) - "Слуцк" - 4:0.
Турнірнае становішча: БАТЭ - 57 ачкоў (22 матчы), "Дынама" (Мінск) - 45 (22), "Шахцёр" - 45 (22), "Віцебск" - 44 (22), "Дынама" (Брэст) - 38 (22), "Нёман" - 38 (23), "Тарпеда-БелАЗ" - 37 (22), "Слуцк" - 36 (23), "Гомель" - 26 (23), "Мінск" - 23 (23), "Смалявічы" - 21 (23), "Гарадзея" - 21 (23), "Іслач" - 21 (23), "Луч" - 16 (23), "Тарпеда" - 15 (23), "Днепр" - 13 (23).
Бамбардзірскую гонку ўзначальвае Яўген Шыкаўка са "Слуцка", які забіў 11 мячоў.
Матчы 24-га тура пройдуць 5-7 кастрычніка.-0-
