8 лютага, Мінск /Кар. БЕЛТА/. Футбалісты брэсцкага "Дынама" атрымалі першую перамогу на трэніровачным зборы ў турэцкім Белеку, паведамляе карэспандэнт БЕЛТА.
7 лютага каманда Радаслава Латала сустракалася з сербскім клубам "Рад" з Бялграда і выйграла з лікам 2:0. На 27-й мінуце сустрэчы вызначыўся Аляксей Лягчылін, а ў сярэдзіне другой паловы гульні Арцём Мілеўскі рэалізаваў пенальці, устанавіўшы канчатковы рэзультат.
Чэмпіёны Беларусі футбалісты барысаўскага БАТЭ напярэдадні правялі два спарынгі запар. Спачатку быў абыграны рэзервовы склад "Зеніт" з Санкт-Пецярбурга - 2:1, а затым чэшская "Зброеўка" - 1:0. У першай гульні галы забілі Мікалай Сігневіч і Станіслаў Драгун, які і ў другой забіў пераможны мяч.
Віцэ-чэмпіён краіны мінскае "Дынама" свой першы кантрольны паядынак у Белеку правядзе 8 лютага супраць махачкалінскага "Анжы", які трэніруе беларускі спецыяліст Вадзім Скрыпчанка.-0-