7 жніўня, Мінск /Кар. БЕЛТА/. Футбалісты барысаўскага БАТЭ сёння праводзяць першы матч 3-га кваліфікацыйнага раўнда Лігі чэмпіёнаў супраць азербайджанскага "Карабаха" з Агдама. Гульня на полі Рэспубліканскага стадыёна імя Тофіка Бахрамава ў Баку пачнецца ў 20.00 па мінскім часе і будзе паказана ў прамым эфіры тэлеканала "Беларусь 5", паведамляе карэспандэнт БЕЛТА.
Беларускі чэмпіён прыбыў у азербайджанскую сталіцу за суткі да гульні і ўвечары ў панядзелак правёў трэніроўку. Матч будзе судзіць брыгада арбітраў са Швецыі на чале з рэферы ФІФА Андрэасам Экбергам.
Паядынак у адказ за выхад у плэй-оф кваліфікацыі адбудзецца 14 жніўня на полі "Барысаў-Арэны". Пераможца двухраундавай дуэлі "Карабах" - БАТЭ ў барацьбе за пуцёўку ў групавы этап Лігі чэмпіёнаў сустрэнецца з чэмпіёнам Нідэрландаў - ПСВ з Эйндховена.-0-
