27 чэрвеня, Мінск /Кар. БЕЛТА/. Два беларускія атлеты выйшлі ў паўфінал турніру па боксе II Еўрапейскіх гульняў і забяспечылі сабе як мінімум бронзавыя медалі мультыспартыўнага форуму, паведамляе карэспандэнт БЕЛТА.
Паспяхова прайшоўшы кваліфікацыйныя баі, беларускі спартсмен Дзмітрый Асанаў (вагавая катэгорыя 60 кг) выйшаў у паўфінал, дзе правядзе паядынак супраць армянскага баксёра Карэна Танаканяна.
Яшчэ адзін беларус Уладзіслаў Смяглікаў (91 кг) атрымаў перамогі на стадыі адборачных схватак над фінам Крэнарам Аліу - 5:0, грузінам Нікаласам Бегадзэ (3:2). У паядынку за права выхаду ў фінал наш спартсмен сустрэнецца з атлетам з Вялікабрытаніі Чэвам Кларкам.
Удзел у турніры прымаюць 316 баксёраў (мужчыны, жанчыны), яны спаборнічаюць за 15 камплектаў медалёў. Завершацца спаборніцтвы 30 чэрвеня.-0-