15 сакавіка, Мінск /Кар. БЕЛТА/. У розыгрышы футбольнага Кубка Беларусі сёння адбыліся два матчы чвэрцьфінальнай стадыі, у якіх згулялі два фіналісты мінулага розыгрышу, паведамляе карэспандэнт БЕЛТА.
Дзеючы ўладальнік трафея брэсцкае "Дынама" перамагло на сваім полі гасцей са "Слуцка" з лікам 2:0. Абодва мячы былі забіты ў другой палавіне гульні: на 54-й хвіліне вызначыўся Джоэл Фамее, а на 3-й кампенсаванай хвіліне кропку паставіў Аляксей Гаўрыловіч.
Барысаўскі БАТЭ перамог футбалістаў "Іслачы" на іх полі 2:1 дзякуючы галявому дублю Мікалая Сігневіча, які забіў галы на 32-й і 38-й хвілінах першага тайма. Пасля перапынку Аляксандр Халадзінскі скараціў разрыў у ліку, але большага гаспадары дабіцца не змаглі.
Раней, 11 сакавіка, салігорскі "Шахцёр" перайграў у сябе дома гасцей з магілёўскага "Дняпра" - 3:1.
Яшчэ ў адной чвэрцьфінальнай пары пераможца ўжо вызначаны - гродзенскі "Нёман" без барацьбы прайшоў у паўфінал з-за адмовы ад сустрэч мінскага ФК "Крумкачы".
Матчы за выхад у паўфінальную стадыю кубкавага розыгрышу намечаны на 17 і 18 сакавіка.-0-
