16 верасня, Мінск /Кар. БЕЛТА/. Усе фаварыты футбольнага чэмпіянату Беларусі перамаглі ў матчах 21-га тура, паведамляе карэспандэнт БЕЛТА.
У нядзелю, 15 верасня салігорскі "Шахцёр" адолеў на выездзе футбалістаў "Іслачы" з мінімальнай перавагай 1:0. Пераможны гол на 64-й мінуце гульні забіў Эліс Бакай.
Мінскае "Дынама" дзякуючы дублю Даніла перайграла на сваёй арэне гасцей са "Слуцка" - 2:1. Мяч у адказ забіў Марат Бураеў.
Раней лідары першынства футбалісты брэсцкага "Дынама" разграмілі ў сябе дома "Мінск" - 3:0. На 65-й мінуце лік адкрыў Аляксей Хабленка, праз 7 мінут Дзяніс Лапцеў падвоіў перавагу брастаўчан, а затым Павел Савіцкі паставіў апошнюю кропку - 3:0.
Барысаўскі БАТЭ прымаў на сваёй арэне "Гарадзею" і прапусціў мяч у самым пачатку другога тайма пасля ўдару Арцёма Мітасава. На зыходзе гадзіны гульнявога часу Максім Скавыш аднавіў раўнавагу ў ліку, а на 81-й мінуце капітан барысаўчан Ігар Стасевіч прынёс сваёй камандзе валявую перамогу - 2:1.
Жодзінскае "Тарпеда-БелАЗ" у сябе дома адолела гродзенскі "Нёман" з мінімальнай перавагай - 1:0 дзякуючы голу Дзмітрыя Юсава ў канцы першай паловы сустрэчы.
У Мазыры мясцовая "Славія" і сталічны "Энергетык-БДУ" згулялі ўнічыю - 2:2.
21-ы тур завершыцца матчам "Віцебск" - "Гомель".
Становішча ў групе лідараў цяпер такое: "Дынама" (Брэст) - 51 ачко (20 матчаў), БАТЭ - 46 (19), "Шахцёр" - 46 (19), "Дынама" (Мінск) - 40 (20), "Тарпеда-БелАЗ - 35 (21), "Іслач" - 34 (21).
Бамбардзірскую гонку ўзначальвае Віталь Квашук ("Гомель"), які забіў 12 мячоў, на гол менш у Паўла Няхайчыка ("Дынама", Брэст).-0-