17 ліпеня, Мінск /Кар. БЕЛТА/. У Парыжы прайшоў чэмпіёнскі парад у гонар футбалістаў і трэнераў зборнай Францыі, паведамляюць інфармагенцтвы.
Тысячы людзей віталі спартсменаў. Самалёты ВПС расквецілі неба над французскай сталіцай у колеры нацыянальнага сцяга.
Таксама адразу ж пасля прылёту на радзіму зборная Францыі адправіліся на прыём у рэзідэнцыю прэзідэнта - Елісейскі палац. Разам з Эмануэлем Макронам яны выканалі "Марсельезу".
Каманда Францыі заваявала залатыя медалі чэмпіянату свету па футболе ў гэтым годзе. У фінальным матчы, які прайшоў 15 ліпеня на маскоўскім стадыёне "Лужнікі", французская зборная абыграла каманду Харватыі з лікам 4:2.-0-