9 верасня, Мінск /Кар. БЕЛТА/. Брытанская бягуха Дэрыл Нейта выйграла забег на 100 м у лёгкаатлетычным матчы Еўропа - ЗША, паведамляе карэспандэнт БЕЛТА.
Пераможца прабегла стаметроўку за 11,29 сек. Услед за ёй фінішавалі амерыканкі Дэзерыя Браянт (11,30 сек) і Маралаке Акінасун (11,39 сек).
Хутка на гэту ж спрынтарскую дыстанцыю выйдуць мужчыны.
За першае месца ў кожнай дысцыпліне каманды атрымліваюць 9 ачкоў, за другое - 7, за трэцяе - 6 і г.д.
Сённяшні дзень спаборніцтваў на мінскім стадыёне "Дынама" завершыцца эстафетамі 4х100 м у жанчын і мужчын.-0-