7 лютага, Мінск /Кар. БЕЛТА/. Бягуха Аліна Талай заняла пятае месца на міжнародным турніры ў нямецкім Дзюсельдорфе ў серыі IAAF World Indoor Tour, паведамляе карэспандэнт БЕЛТА.
У вырашальным забегу на 60 м з бар'ерамі беларуска паказала вынік 7,89 сек. У фінішным створы яна ўступіла пераможцы з ЗША Крысціне Мэнінг - 7,77 сек. Яе суайчынніца Шарыка Нэлвіс паказала другі рэзультат - 7,80 сек. Памэла Дуткевіч з Германіі стала бронзавым прызёрам - 7,83 сек.
У Дзюсельдорфе на дыстанцыі 60 м з бар'ерамі выступіла яшчэ адна беларуска Эльвіра Герман, якая заняла дзясятую пазіцыю ў падагульняючым пратаколе - 8,19 сек.
Лёгкаатлетычная серыя IAAF World Indoor Tour прадоўжыцца 8 лютага ў Мадрыдзе. Для вядучых спартсменаў гэтыя спаборніцтвы - адзін з асноўных этапаў падрыхтоўкі да чэмпіянату свету па лёгкай атлетыцы ў закрытых памяшканнях, які з 1 па 4 сакавіка прыме англійскі Бірмінгем.-0-