16 кастрычніка, Мінск /Кар. БЕЛТА/. Футбалісты маладзёжнай зборнай Беларусі (U-21) паражэннем завяршылі адборачны турнір чэмпіянату Еўропы 2019 года, паведамляе карэспандэнт БЕЛТА.
Падапечныя Людаса Румбуціса 15 кастрычніка сустракаліся ў Афінах з камандай Грэцыі і, прапусціўшы па голу ў кожным тайме, прайгралі 0:2.
У іншых сустрэчах 15 кастрычніка чэхі перамаглі на сваім полі каманду Малдовы - 1:0, а харваты перамаглі ў гасцях футбалістаў Сан-Марына - 4:0.
Падагульняючае становішча ў групе 1: Харватыя - 25 ачкоў (розніца мячоў - 31-5), Грэцыя - 25 (26-5), Чэхія - 16 (14-15), Беларусь - 14 (11-14), Малдова - 7 (8-23), Сан-Марына - 0 (1-29).
Футбалісты Харватыі заваявалі прамую пуцёўку ў фінальны турнір кантынентальнага першынства, што пройдзе з 16 па 30 чэрвеня 2019 года ў Італіі. Грэкам яшчэ трэба будзе правесці матчы плэй-оф.-0-
