17 студзеня, Мінск /Кар. БЕЛТА/. Гандбалісты зборнай Беларусі пацярпелі другое паражэнне на чэмпіянаце свету ў Францыі, паведамляе карэспандэнт БЕЛТА.
У Руане ў гульні 3-га тура папярэдняй групы С беларусы ўступілі камандзе Харватыі з лікам 25:31 (15:18). Маладая беларуская дружына гуляла на роўных з адным з фаварытаў турніру амаль на працягу ўсёй сустрэчы, але ў выніку вопыт харватаў выявіўся і яны дабіліся сваёй трэцяй вікторыі на групавым этапе. У складзе зборнай Беларусі мячы закінулі: Каралёк - 7, Рутэнка, Шыловіч - па 5, Юрынок - 4, Кулеш, Пухоўскі - па 2.
У першым паядынку сусветнага першынства падапечныя Юрыя Шаўцова нечакана прайгралі зборнай Чылі - 28:32, а затым узялі верх над гандбалістамі Саудаўскай Аравіі - 29:26. Арцём Каралёк у гэтых матчах закінуў 23 мячы і займае другое месца ў спрэчцы лепшых бамбардзіраў, уступаючы толькі лідару македонцаў Кірылу Лазараву, у актыве якога 31 гол.
Свой наступны матч беларусы правядуць 18 студзеня супраць каманды Германіі, якая ўжо забяспечыла сабе выхад у 1/8 фіналу, абыграўшы сапернікаў з Венгрыі - 27:23 і Чылі - 35:14. У заключнай сустрэчы групавога этапу зборная Беларусі згуляе з венграмі. Венгерскія гандбалісты напярэдадні перамаглі чылійцаў з лікам 34:29.
Турнірнае становішча: Харватыя - 6 ачкоў (3 матчы), Германія - 4 (2), Венгрыя - 2 (3), Беларусь - 2 (3), Чылі - 2 (3), Саудаўская Аравія - 0 (2).
Становішча каманд у астатніх групах:
А - Францыя - 6 (3), Расія - 4 (3), Нарвегія - 4 (3), Бразілія - 4 (3), Польшча - 0 (3), Японія - 0 (3);
В - Іспанія - 6 (3), Славенія - 6 (3), Македонія - 4 (3), Ісландыя - 1 (3), Туніс - 1 (3), Ангола - 0 (3);
D - Данія - 6 (3), Швецыя - 4 (3), Егіпет - 4 (3), Катар - 2 (2), Бахрэйн - 0 (3), Аргенціна - 0 (2).
У 1/8 фіналу выйдуць па 4 лепшыя каманды з кожнай групы.-0-
