29 чэрвеня, Мінск /Кар. БЕЛТА/. Два беларускія клубы сёння адкрыюць новы сезон розыгрышу кантынентальных турніраў. Мінскае "Дынама" і салігорскі "Шахцёр" правядуць стартавыя паядынкі 1-га кваліфікацыйнага раўнда Лігі Еўропы, паведамляе карэспандэнт БЕЛТА.
Мінчане на полі сталічнага стадыёна "Трактар" прымуць футбалістаў клуба "Рунавік" з Фарэрскіх астравоў. Гэту гульню будзе судзіць брыгада ўкраінскіх арбітраў. Сустрэча пачнецца ў 18.30 і будзе паказана ў прамым эфіры тэлеканала "Беларусь 5".
У 19.00 на полі салігорскага стадыёна "Будаўнік" выйдуць футбалісты мясцовага "Шахцёра" і літоўскай "Судувы". Гэты матч будуць судзіць рэферы з Казахстана на чале з Аляксандрам Аліевым. Рэпартаж з Салігорска выйдзе ў эфір у 23.00 на "Беларусь 5".
Сустрэчы ў адказ "Дынама" і "Шахцёр" правядуць 6 ліпеня на палях сапернікаў. Яшчэ адзін беларускі прадстаўнік у гэтым турніры - брэсцкае "Дынама" стартуе з 2-га раўнда кваліфікацыі, дзе яго сапернікам будзе пераможца пары "Чыхура" (Грузія) - "Рэйндорф" (Аўстрыя). Гэтыя каманды сёння сустрэнуцца ў Тбілісі, а 6 ліпеня згуляюць у Альтаху.
У галоўным кантынентальным клубным турніры Лізе чэмпіёнаў барысаўскі БАТЭ пачне выступленне з 2-га раўнда круга сустрэчамі з пераможцам матчаў паміж армянскім "Алашкертам" і "Санта-Калома" з Андоры. У першай з іх у Ерэване чэмпіён Арменіі атрымаў мінімальную вікторыю - 1:0, 4 ліпеня сапернікі згуляюць на полі андорскага клуба.-0-
