1 кастрычніка, Мінск /Кар. БЕЛТА/. Саюз еўрапейскіх футбольных асацыяцый (УЕФА) назначыў арбітраў на матчы 2-га тура групавога этапу Лігі чэмпіёнаў, паведамляе карэспандэнт БЕЛТА.
Сустрэчу французскага "Ліля" і англійскага "Чэлсі" будзе судзіць беларуская брыгада на чале з рэферы ФІФА Аляксеем Кульбаковым. Яго памочнікамі стануць Дзмітрый Жук і Алег Маслянко, рэзервовы арбітр - Дзяніс Шчарбакоў. Відэаасістэнтамі (VAR) будуць партугальцы Артур Дыяш і Луіш Гадзіньё. У першым туры спаборніцтваў у квартэце Н футбалісты "Ліля" прайгралі ў Амстэрдаме галандскаму "Аяксу" - 0:3, а "Чэлсі" ўступіў у Лондане іспанскай "Валенсіі" з лікам 0:1.
Паядынкі другога тура чэмпіёнскай Лігі пройдуць 1 і 2 кастрычніка.-0-
