22 сакавіка, Мінск /Кар. БЕЛТА/. Беларускі тэнісіст Ілья Івашка (110-ы нумар сусветнага рэйтынгу) прабіўся ў 1/32 фіналу турніру ў амерыканскім Маямі, паведамляе карэспандэнт БЕЛТА.
У трохсэтавым паядынку першага круга Ілья Івашка выйграў у італьянца Томаса Фабіяна (90) - 6:4, 1:6, 6:3. Наступным сапернікам беларуса будзе 22-і нумар рэйтынгу АТР брытанец Кайл Эдмунд.
У жанчын беларуска Аляксандра Сасновіч (36) у першым раўндзе перамагла швейцарскую тэнісістку Вікторыю Галубіч (77) - 4:6, 7:5, 6:4. У другім раўндзе Аляксандра Сасновіч сустрэнецца з прадстаўніцай Даніі Каралін Вазняцкі (13).
Вікторыя Азаранка (46) уступіла французскай тэнісістцы Каралін Гарсіі (21) - 3:6, 4:6, а Вера Лапко (64) прайграла яшчэ адной францужанцы Алізэ Карнэ (53) - 5:7, 7:6 (9:7), 1:6.
Сёння дзявятая ракетка свету Арына Сабаленка ў другім раўндзе згуляе з аўстралійкай Айлай Тамлянавіч (40).-0-