24 чэрвеня, Мінск /Кар. БЕЛТА/. На пляцоўцы мінскага Falcon Club сёння стартаваў турнір па бадмінтоне II Еўрапейскіх гульняў. Першымі ў барацьбу ўступілі ўдзельніцы спаборніцтваў у жаночым парным разрадзе, паведамляе карэспандэнт БЕЛТА.
Беларускі тандэм Настасся Чарняўская / Алеся Зайцава ў першым матчы папярэдняй групы С уступіў бельгійскаму дуэту Лізэ Жак / Фларэ Вандэнхоўк - 10:21, 11:21. У другой сустрэчы беларускі згуляюць з эстонскай парай Каці-Крэет Маран / Хеліна Руутэль.
У складзе зборнай Беларусі выступяць таксама Хрысціна Сіліч і Аляксей Конах.
Турнір бадмінтаністаў завершыцца 30 чэрвеня. Яго ўдзельнікі разыграюць 7 камплектаў узнагарод.-0-