23 ліпеня, Мінск /Кар. БЕЛТА/. Беларускі баскетбаліст Мікіта Мешчаракоў прадоўжыць кар'еру ў "Спартаку" з Санкт-Пецярбурга. Такая інфармацыя змешчана на сайце расійскага клуба, паведамляе БЕЛТА.
Нападаючы правёў апошнія тры сезоны ў мінскіх "Цмоках". У складзе беларускай каманды Мікіта Мешчаракоў прыняў удзел у 68 гульнях чэмпіянату ВТБ, у яго актыве 334 ачкі (4,9 у сярэднім за матч), 183 падборы (2,6 за матч), 69 рэзультатыўных перадач (1,0 за матч) і 31 перахоп (0,4).
У піцерскім "Спартаку" пераход іграка лічаць адным з самых удачных трансфераў міжсезоння.
Кантракт з беларускім нападаючым разлічаны на адзін сезон.-0-
