28 чэрвеня, Мінск /Кар. БЕЛТА/. Беларускі спартсмен Дзмітрый Асанаў (вагавая катэгорыя 60 кг) выйшаў у фінал турніру па боксу II Еўрапейскіх гульняў, забяспечыўшы сабе мінімум серабро мультыспартыўнага форуму, паведамляе карэспандэнт БЕЛТА.
У кваліфікацыйных паядынках Дзмітрый Асанаў атрымаў упэўненыя перамогі над атлетам са Славакіі Вільямам Танко, славенскім спартсменам Тадэем Чарногам і ўкраінцам Юрыем Шэстакам, а ў паўфінале беларус перамог армянскага баксёра Карэна Танаканяна.
У паўфінальным паядынку сёння таксама паспаборнічае беларус Уладзіслаў Смяглікаў (91 кг) супраць атлета з Вялікабрытаніі Чэва Кларка.
Удзел у турніры прымаюць 316 баксёраў (мужчыны, жанчыны), яны спаборнічаюць за 15 камплектаў медалёў. Завершацца спаборніцтвы 30 чэрвеня.-0-
