15 чэрвеня, Мінск /Кар. БЕЛТА/. Беларуская тэнісістка Лідзія Марозава і галандка Леслі Керхаў выйшлі ў паўфінал парнага разраду на турніры ў галандскім Хертагенбасе, паведамляе карэспандэнт БЕЛТА.
У чвэрцьфінальным матчы беларуска-галандскі тандэм упэўнена перамог у двух сэтах кітайска-японскі дуэт Шуай Чжан / Рыка Фуджырава - 6:2, 6:2.
На мужчынскім турніры ў брытанскім Нотынгеме беларус Ілья Івашка і іспанец Марсэль Гранальерс прайгралі ў чвэрцьфінале аўстралійска-канадскай пары Мэт Рэйд / Адзіл Шамасдзін (Канада) - 3:6, 4:6.-0-