25 чэрвеня, Мінск /Кар. БЕЛТА/. На арэне СК "Алімпійскі" сёння прадоўжыўся турнір па стральбе з лука Еўрапейскіх гульняў, паведамляе карэспандэнт БЕЛТА.
Першай з беларускіх спартсменак выступіла Ганна Марусава. У 1/32 фіналу стральбы з класічнага лука яна перамагла кіпрыётку - 6:2, а ў матчы за выхад у 1/8 фіналу ўступіла ў "перастрэлцы" італьянцы Таццяне Андрэолі - 5:6.
У 1/16 фіналу ў гэтай дысцыпліне будуць удзельнічаць яшчэ дзве беларускі - Карына Дзёмінская і Карына Казлоўская. Іх саперніцы вызначацца пасля матчаў 1/32 фіналу.
Спаборніцтвы па стральбе з лука II Еўрапейскіх гульняў фінішуюць 27 чэрвеня. Спартсменам засталося разыграць 4 камплекты ўзнагарод.-0-
