3 студзеня, Мінск /Кар. БЕЛТА/. Беларуска Аляксандра Сасновіч (88-ы нумар рэйтынгу WTA) прабілася ў чвэрцьфінал турніру катэгорыі "Прэм'ер" у аўстралійскім Брысбене (прызавы фонд - $894 тыс.), паведамляе карэспандэнт БЕЛТА.
Сёння ў 1/8 фіналу Аляксандра адолела ў трохсэтавым паядынку эстонскую тэнісістку Анет Кантавейт (34). Прайграўшы першую партыю 1:6, беларуска змагла пераламаць ход матчу і выйграла два сэты запар - 7:6 і 6:3. У чвэрцьфінале Аляксандра Сасновіч сустрэнецца з францужанкай Алізэ Карнэ (38).
Яшчэ адна беларуска Арына Сабаленка (73) на турніры ў кітайскім Шэньчжэні (прызавы фонд - $626,7 тыс.) таксама выступіць у 1/4 фіналу. Там яе саперніцай можа стаць першая ракетка планеты румынка Сімона Халеп, якая сёння згуляе з кітаянкай Інь-Інь Дуань (91).-0-
