19 мая, Мінск /Кар. БЕЛТА/. Віталь Бубновіч заняў трэцяе месца на этапе Кубка свету ў Мюнхене ў стральбе з пнеўматычнай вінтоўкі на 10 м, паведамляе карэспандэнт БЕЛТА.
Па выніках кваліфікацыі, беларус у васьмёрцы мацнейшых стралкоў вёў упартую барацьбу за прызавое месца з Амерам Акгюнам з Турцыі. Толькі ў пятай серыі выстралаў Віталь Бубновіч апярэдзіў саперніка, набраўшы 228,9 ачка, і заняў трэцяе месца. Спартсмен з Турцыі стаў чацвёртым - 207,6 бала.
Перамог у гэтай дысцыпліне расіянін Сяргей Каменскі, які паказаў рэзультат 250,9 бала - новы рэкорд свету. Другое месца ў стральбе з пнеўматычнай вінтоўкі на 10 м заняў Уладзімір Масленікаў - 250,4 ачка.
Кубак свету па кулявой стральбе прадоўжыцца ў Мюнхене да 24 мая.-0-