17 кастрычніка, Мінск /Кар. БЕЛТА/. Беларускі тэнісіст Ягор Герасімаў (217-ы нумар рэйтынгу АТР) атрымаў другую перамогу ў розыгрышы Кубка Крамля ў Маскве і выйшаў у чвэрцьфінал, паведамляе карэспандэнт БЕЛТА.
Сёння ў матчы 1/8 фіналу Ягор Герасімаў перамог французскага тэнісіста Бенуа Пера (57) - 6:4, 6:4.
У першым раўндзе Ягор Герасімаў адолеў 39-ю ракетку планеты Даміра Джумхура з Босніі і Герцагавіны - 6:1, 6:7 (5:7), 6:2. У 1/4 фіналу Ягор Герасімаў сустрэнецца з пераможцам паядынку паміж італьянцам Марка Чэкіната (19) і французам Адрыянам Манарына (49).
На старце парнага разраду беларус Максім Мірны і аўстрыец Філіп Освальд згуляюць з французскім дуэтам Х'юга Ніс / Бенуа Пер.-0-