12 красавіка, Мінск /Кар. БЕЛТА/. Баскетбалісты "Цмокі-Мінск" прайгралі падмаскоўным "Хімкам" у апошнім дамашнім матчы сезона Адзінай лігі ВТБ, паведамляе карэспандэнт БЕЛТА.
У сустрэчы на паркеце мінскага Палаца спорту падапечныя Расціслава Вергуна спрабавалі як роўныя сапернічаць з адным з галоўных фаварытаў турніру, але ўсё ж госці былі відавочна мацнейшыя. У выніку "Хімкі" перамаглі з лікам 108:92 (28:19, 34:25, 23:25, 23:23).
У 23-х матчах "банкаўскага" турніру мінскія "драконы" атрымалі ўсяго 3 вікторыі і знаходзяцца на апошнім 14-м месцы ў турнірнай табліцы.
Заключныя сустрэчы чэмпіёны Беларусі правядуць на выездзе: 14 красавіка з рыжскім ВЭФам, 21 красавіка з польскай "Зялёнай Гурай", 28 красавіка з "Ніжнім Ноўгарадам".
Пасля фінішу рэгулярнага сезона 8 лепшых клубаў выйдуць у чвэрцьфінал. Усе серыі плэй-оф будуць працягвацца да трох перамог адной з каманд.-0-