28 лістапада, Мінск /Кар. БЕЛТА/. Баскетбалісты "Цмокі-Мінск" выйшлі ў другую стадыю розыгрышу Кубка ФІБА-Еўропа, паведамляе карэспандэнт БЕЛТА.
У заключным паядынку першага групавога этапу "драконы" на арэне мінскага "Фалькон клуба" ўступілі ў авертайме гасцям з украінскага "Кіева" з лікам 84:92 (14:11, 21:17, 18:23, 24:26, 07:15). У першым крузе спаборніцтваў у групе F падапечныя Расціслава Вергуна перамаглі сапернікаў на іх пляцоўцы з лікам 99:74. Акрамя таго, "драконы" абмяняліся перамогамі з украінскім "Дняпром" (108:101 і 75:90) і балгарскім клубам "Леўскі-Лукойл" з Сафіі (81:68 і 64:75).
У другім матчы "Леўскі-Лукойл" перамог на выездзе "Днепр" - 83:61.
Падагульняючае становішча ў квартэце F пасля пяці гульнявых дзён: "Кіеў" - 10 ачкоў, "Цмокi-Мiнск" - 9, "Леўскі-Лукойл" - 9, "Днепр" - 8. Мінчане і кіяўляне выйшлі ў другі групавы этап.
У наступную стадыю кантынентальнага турніру выйдуць па дзве лепшыя каманды з васьмі папярэдніх квартэтаў.
Жаночая каманда "Цмокi-Мiнск" у 5-м туры групавога раўнда Еўракубка ўчора ў Краснаярску вырвала перамогу ў лідара квартэта D мясцовага "Енісея" з перавагай 2 ачкі - 70:68. У Мінску чэмпіёнкі Беларусі ўступілі "Енісею" з такім жа рэзультатам - 68:70.
У гэтым турніры чэмпіёнкі Беларусі перамаглі на сваёй арэне славацкі "Ружамберак" з рэзультатам 64:53, а таксама двойчы прайгралі турэцкаму "Хатаю" - 71:79 (у гасцях) і 66:67 (дома).
Сёння "Хатай" прымае ў сябе дома "Ружамберак". Становішча каманд цяпер такое: "Енісей" - 9 ачкоў (5 матчаў), "Хатай" - 7 (4), "Цмокi-Мiнск" - 7 (5), "Ружамберак" - 4 (4). У наступную стадыю выйдуць дзве лепшыя каманды.-0-