9 жніўня, Мінск /Кар. БЕЛТА/. Беларуская тэнісістка Вікторыя Азаранка і аўстралійка Эшлі Барці сталі чвэрцьфіналісткамі парнага разраду турніру катэгорыі "Прэм'ер" у канадскім Таронта, паведамляе карэспандэнт БЕЛТА.
У матчы 1/8 фіналу беларуска-аўстралійскі тандэм упэўнена перамог у двух сэтах немку Юлію Гергес і чэшку Караліну Плішкаву - 6:1, 6:3.
Увечары 9 жніўня ў барацьбе за выхад у паўфінал Вікторыя Азаранка і Эшлі Барці сустрэнуцца з бельгійкай Кірстэн Фліпкенс і Се Шувэй з кітайскага Тайбэя.-0-