17 сакавіка, Мінск /Кар. БЕЛТА/. Беларуская тэнісістка Арына Сабаленка без барацьбы выйшла ў паўфінал на турніры ў кітайскім горадзе Шэньчжэнь (прызавы фонд - $60 тыс.), паведамляе карэспандэнт БЕЛТА.
У чвэрцьфінальным паядынку Сабаленка, якая займае 142-е месца ў сусветным рэйтынгу, павінна была сустрэцца з чэшскай тэнісісткай Дэнізай Алертавай (113-ы нумар рэйтынгу WTA), але яна не змагла выйсці на корт. У паўфінальным матчы Арына Сабаленка магла гуляць яшчэ з адной беларускай Верай Лапко (293), але яна прайграла кітаянцы Цзін Лю (295) - 3:6, 5:7.
Беларуска Лідзія Марозава і Леслі Керкхове з Нідэрландаў у паўфінале парнага разраду сёння гулялі з украінскім дуэтам Людміла Кічанок / Надзея Кічанок і ўступілі - 6:7 (2:7), 6:2, 6:10.-0-
