16 кастрычніка, Мінск /Кар. БЕЛТА/. Беларуска Арына Сабаленка ўзнялася на 76-е месца ў рэйтынгу Жаночай тэніснай асацыяцыі (WTA). Гэта пакуль лепшы паказчык у кар'еры 19-гадовай спартсменкі, паведамляе карэспандэнт БЕЛТА.
У пачатку мінулага тыдня перад турнірам у Кітаі Арына Сабаленка займала 102-ю пазіцыю ў сусветным рэйтынгу. Гэтыя спаборніцтвы Арына правяла на адным дыханні, атрымаўшы чатыры перамогі, і ўпершыню дабралася да фіналу турніру пад эгідай WTA. Толькі ў вырашальным паядынку за тытул Сабаленка ва ўпартай барацьбе ўступіла былой першай ракетцы планеты расіянцы Марыі Шарапавай. З іншых беларускіх тэнісістак у топ-100 уваходзіць толькі Аляксандра Сасновіч, якая замыкае першую сотню рэйтынгу WTA. Вера Лапко - на 167-м месцы, Вікторыя Азаранка знаходзіцца на 204-й пазіцыі.
Першая дзясятка засталася ранейшай:
1. Сімона Халеп (Румынія) - 6175 ачкоў,
2. Гарбінье Мугуруса (Іспанія) - 6135,
3. Караліна Плішкава (Чэхія) - 5605,
4. Эліна Світоліна (Украіна) - 5465,
5. Вінус Уільямс (ЗША) - 4642,
6. Каралін Вазняцкі (Данія) - 4540,
7. Алена Астапенка (Латвія) - 4510,
8. Святлана Кузняцова (Расія) - 3950,
9. Каралін Гарсія (Францыя) - 3860,
10. Ёхана Конта (Вялікабрытанія) - 3795.
Топ-10 рэйтынгу Асацыяцыі тэнісістаў-прафесіяналаў:
1. Рафаэль Надаль (Іспанія) - 10465,
2. Роджэр Федэрэр (Швейцарыя) - 8505,
3. Марын Чыліч (Харватыя) - 4505,
4. Эндзі Марэй (Вялікабрытанія) - 5290,
5. Аляксандр Звераў (Германія) - 4400,
6. Дамінік Цім (Аўстрыя) - 3935,
7. Новак Джокавіч (Сербія) - 3765,
8. Стэн Ваўрынка (Швейцарыя) - 3450,
9. Грыгар Дзімітраў (Балгарыя) - 3575,
10. Давід Гофен (Бельгія) - 2885.
Беларус Ягор Герасімаў узняўся на 124-е месца, Уладзімір Ігнацік займае 173-ю пазіцыю. Максім Мірны замыкае топ-50 парнага рэйтынгу АТР.-0-