14 лютага, Пхёнчхан /Кар. БЕЛТА/. Спаборніцтвы гарналыжніц у слаламе на Алімпійскіх гульнях у Пхёнчхане перанесены з-за ветру на 16 лютага. Адпаведнае рашэнне прынялі арганізатары турніру, паведамляе карэспандэнт БЕЛТА.
Моцны парывісты вецер перашкодзіў правядзенню спаборніцтваў. Перанос даты старту ў гарналыжнікаў у Пхёнчхане праводзіцца не ўпершыню. Да 15 лютага адкладзены спаборніцтвы ў скорасным спуску ў мужчын і гіганцкім слаламе ў жанчын. Прадстаўніца Беларусі Марыя Шканава плануе выступіць у слаламе, гіганцкім слаламе і супергіганце.-0-
