15 лютага, Мінск /Кар. БЕЛТА/. Абаронца Уладзімір Дзянісаў пакінуў ХК "Дынама-Мінск". Кантракт з ім скасаваны па пагадненні бакоў, паведамілі БЕЛТА ў прэс-службе сталічнай дружыны.
Клуб пайшоў насустрач ініцыятыве спартсмена, які пераходзіць у фінскую "СайПу" з Лапеэнрантэ. У новай камандзе Уладзімір Дзянісаў атрымае гульнявую практыку, неабходную яму для паўнацэннай падрыхтоўкі да чэмпіянату свету.
Мінскае "Дынама" выказала падзяку іграку за работу, пажадаўшы поспехаў у далейшай клубнай кар'еры і ў якасці іграка зборнай Беларусі.
Новы клуб Дзянісава на гэты момант займае 6-е месца ў турнірнай табліцы мацнейшага дывізіёна чэмпіянату Фінляндыі, якое дае прамую пуцёўку ў чвэрцьфінальную стадыю плэй-оф. Да пачатку накаўт-раўнда камандзе трэба будзе правесці яшчэ сем матчаў рэгулярнага першынства.-0-
