19 мая, Мінск /Уладзімір Мацвееў - БЕЛТА/. Злачыннасць у Беларусі стабільна зніжаецца на працягу некалькіх гадоў. Аб гэтым сёння далажыў Прэзідэнту Беларусі міністр унутраных спраў Ігар Шуневіч, перадае карэспандэнт БЕЛТА.
Аляксандр Лукашэнка адзначыў, што напярэдадні яму былі перададзены даныя па статыстыцы ў сферы адказнасці праваахоўных органаў. "Я з ёй азнаёмлены і ўжо тэндэнцыі бачу. Але хацелася б з вуснаў міністра пачуць, як ён бачыць гэтыя тэндэнцыі ў той сферы, якой ён займаецца", - адзначыў кіраўнік дзяржавы.
Ігар Шуневіч далажыў аб аператыўна-службовай дзейнасці органаў унутраных спраў. Па выніках чатырох месяцаў бягучага года захавана дынаміка скарачэння злачыннасці. "Мы стараемся замацаваць усе станоўчыя тэндэнцыі, якія былі дасягнуты. Ужо традыцыйна, на працягу некалькіх гадоў, злачыннасць зніжаецца. У гэтым годзе працэнт зніжэння - практычна 8,5 працэнта", - заявіў міністр.
У прыватнасці, за чатыры месяцы стал менш учыняцца злачынстваў непаўналетнімі, крыху знізілася рэцыдыўная злачыннасць, таксама як і колькасць злачынстваў у сферы наркагандлю і наркаспажывання. Адначасова расце працэнт раскрывальнасці злачынстваў, у тым ліку асабліва небяспечных.-0-
