1 сакавіка, Мінск /Кар. БЕЛТА/. Рабочы план рэалізацыі сумеснага праекта "Супрацоўніцтва паміж БДІПЧ і Беларуссю ў сферы вяршэнства права" абмеркавалі сёння на сустрэчы ў Вярхоўным судзе, паведамілі БЕЛТА ў прэс-службе суда.
Удзельнікамі сустрэчы сталі прадстаўнікі Вярхоўнага суда Беларусі і Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе (БДІПЧ АБСЕ).
Бакі абмеркавалі рабочы план рэалізацыі праекта, яго далейшае развіццё. Былі намечаны асноўныя напрамкі навучальных тэматычных семінараў і трэнінгаў для суддзяў у Інстытуце перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі БДУ з прыцягненнем міжнародных экспертаў у сферы вяршэнства права.-0-
