16 верасня, Мінск /Кар. БЕЛТА/. Парывісты вецер і да плюс 19 градусаў чакаецца ў Беларусі 16 верасня, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У краіне будзе воблачна з праясненнямі. Ноччу на большай частцы тэрыторыі, днём пераважна па паўночнай палавіне пройдуць кароткачасовыя дажджы. Вецер чакаецца заходні, у многіх раёнах - моцны парывісты.
Уначы паветра прагрэецца да 8-14 градусаў цяпла, удзень будзе плюс 13-19 градусаў.
Таксама на 16 верасня аб'яўлены аранжавы ўзровень небяспекі: у многіх раёнах Беларусі чакаецца ўзмацненне заходняга ветру парывамі 15-20 м/с.
У паўднёва-ўсходніх раёнах Гомельскай вобласці чакаецца надзвычайная пажарная небяспека (чырвоны ўзровень небяспекі).-0-