25 жніўня, Мінск /Кар. БЕЛТА/. Урад рыхтуе прапановы па матэрыяльным стымуляванні працы педагагічных работнікаў. Аб гэтым паведаміла намеснік прэм'ер-міністра Наталля Качанава сёння журналістам перад пачаткам жнівеньскай канферэнцыі педагагічных работнікаў устаноў адукацыі Мінска "Сталічная адукацыя. Стратэгія развіцця", перадае карэспандэнт БЕЛТА.
"У Беларусі адбылося некалькі нарад па пытаннях адукацыі, дакладней, гэта былі даклады з улікам той сітуацыі, якая склалася ў гэтай сферы, і аб шляхах удасканалення сістэмы. Была пастаўлена задача па матэрыяльным стымуляванні педагагічных работнікаў. Урад працуе ў гэтым напрамку", - сказала Наталля Качанава.
У прыватнасці, разглядаюцца меры па павышэнні прэстыжнасці педагагічнай працы для моладзі. На думку віцэ-прэм'ера, неабходна разняволіць ініцыятыву педагогаў. "Гэта магчымасць зарабляць шляхам пазабюджэтнай дзейнасці пры аказанні платных паслуг", - лічыць яна.
У форуме прымаюць удзел памочнік Прэзідэнта - галоўны інспектар па горадзе Мінску Аляксандр Якабсон, міністр адукацыі Міхаіл Жураўкоў, старшыня Мінгарвыканкама Андрэй Шорац.-0-
