20 лютага, Мінск /Кар. БЕЛТА/. У Мінскім заапарку нарадзіўся як, паведамілі БЕЛТА ў заапарку.
Паколькі малыш з'явіўся на свет у Дзень усіх закаханых, яго назвалі Валянцінам. Гэта ўжо другое дзіцяня ў пары. Часова бацькоў раздзялілі - тата-як застаўся ў вальеры, а маці з малышом перавялі ў ахаваны ад ветру домік.
Які даўно сталі звычайнымі жыхарамі заапарка, іх радзіма - Тыбет. Мясцовае насельніцтва цэніць гэтых магутных прыгожых быкоў за сілу, вынослівасць і непераборлівасць.
Таксама ў гэтым годзе ў заапарку маюць намер стварыць умовы для размнажэння папугаям. Большасць крылатых гадаванцаў знайшлі сабе пару, і мінчанам прапануецца прыняць удзел у стварэнні для іх гнездавых домікаў. Акцыя прадоўжыцца да 1 сакавіка, узоры домікаў размешчаны на сайце ўстановы.
Мінскі заапарк працуе з 1984 года. У яго калекцыі як экзатычныя жывёлы, так і рэдкія прадстаўнікі фаўны Беларусі. Усяго тут пражываюць амаль 2 тыс. жывёл 500 відаў.-0-