Поўная версія

У Беларусі ўдасканаляць падыходы да арганізацыі навукова-даследчай і інавацыйнай дзейнасці

Грамадства 12.01.2018 | 09:26

12 студзеня, Мінск /Кар. БЕЛТА/. У Беларусі плануюць удасканаліць падыходы да арганізацыі і фінансавання навукова-даследчай і інавацыйнай дзейнасці. Гэта прадугледжана рэзалюцыяй II З'езда вучоных Беларусі, паведамляе БЕЛТА.

II З'езд вучоных Беларусі прайшоў у Мінску 12-13 снежня. Па выніках пленарнага пасяджэння 13 снежня была падрыхтавана рэзалюцыя з'езда. Аднак потым яе тэкст дапрацоўваўся рэдакцыйнай камісіяй, і цяпер грамадскасці прадстаўлены канчатковы варыянт. У рэзалюцыі абазначаны меры для планамернай пабудовы інтэлектуальнай эканомікі і далейшага развіцця навуковай, навукова-тэхнічнай і інавацыйнай дзейнасці ў Беларусі.

"З'езд вучоных Рэспублікі Беларусь прымае рашэнне: у мэтах далейшага развіцця навуковай, навукова-тэхнічнай і інавацыйнай дзейнасці, інтэлектуалізацыі беларускай эканомікі лічыць неабходным удасканаленне праграмна-мэтавых і праектных падыходаў да арганізацыі і фінансавання навукова-даследчай і інавацыйнай дзейнасці, уключаючы адзіную сістэму доўгатэрміновага прагназавання інавацыйнага цыкла", - сказана ў рэзалюцыі.

Таксама ў тэксце дакумента асаблівае значэнне надаецца канцэнтрацыі фундаментальных і прыкладных навуковых даследаванняў і доследна-канструктарскіх работ на прыярытэтных напрамках, забеспячэнню актыўнага ўзаемадзеяння акадэмічнай, вузаўскай, галіновай і карпаратыўнай навукі, шырокаму развіццю эфектыўных форм кааперацыі навукі, вытворчасці і адукацыі.

Акрамя таго, неабходны актыўны і сістэмны ўдзел вучоных у навуковым забеспячэнні ўстойлівага сацыяльна-эканамічнага і інавацыйнага развіцця краіны, далейшае ўдасканаленне сістэмы падрыхтоўкі навуковых кадраў вышэйшай кваліфікацыі, выкарыстанне прагрэсіўных форм і метадаў матывацыі да эфектыўнай работы вучоных і камерцыялізацыі правоў на аб'екты інтэлектуальнай уласнасці.

Згодна з рэзалюцыяй з'езда, плануецца рэалізаваць маштабныя меры па прыцягненні і замацаванні таленавітай моладзі ў навукова-інавацыйнай сферы, удзеле моладзі ў стварэнні і развіцці асноўных навуковых школ сусветнага ўзроўню, а таксама актывізаваць удзел беларускіх вучоных у глабальных і рэгіянальных навукова-даследчых, адукацыйных і інавацыйных працэсах. Асаблівая ўвага ўдзяляецца неабходнасці павышэння ролі і зацікаўленасці канструктараў, інжынераў, тэхнолагаў і вытворча-тэхнічнага персаналу ў інавацыйным развіцці вытворчага сектара эканомікі і паляпшэнні якасці выпускаемай прадукцыі.-0-

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія