5 снежня, Мінск /Кар. БЕЛТА/. У Беларусі зацвердзілі новыя санітарныя нормы і правілы "Патрабаванні да ажыццяўлення гандлю на рынках харчовай прадукцыяй". Іх пералік значна скарочаны. Такая інфармацыя размешчана на Нацыянальным прававым інтэрнэт-партале, паведамляе БЕЛТА.
Патрабаванні да вядзення гандлю на рынках харчовай прадукцыяй перагледжаны і значна скарочаны. Новыя санітарныя нормы і правілы, зацверджаныя пастановай Міністэрства аховы здароўя ад 23 кастрычніка 2018 года нумар 80, складаюцца з 35 пунктаў. Раней у дакуменце быў 131 пункт.
Пастанова ўступае ў сілу праз 15 рабочых дзён пасля яе афіцыйнага апублікавання. Санітарныя нормы і правілы, якія дзейнічалі з 2012 года, прызнаны страціўшымі сілу.-0-