Поўная версія

У Беларусі распрацоўваюцца новыя меры для барацьбы з бытавым хуліганствам

Грамадства 13.03.2018 | 17:51
У час круглага стала
У час круглага стала

13 сакавіка, Мінск /Кар. БЕЛТА/. У Беларусі распрацоўваюцца новыя меры для барацьбы з бытавым хуліганствам і шумнымі суседзямі. Аб гэтым сёння на круглым стале ў прэс-цэнтры БЕЛТА паведаміла начальнік аддзела па наглядзе за выкананнем правоў і свабод грамадзян упраўлення па наглядзе за выкананнем заканадаўства і законнасці прававых актаў Генеральнай пракуратуры Беларусі Марына Папова.

Паводле яе слоў, генеральным пракурорам зацверджана адпаведная рабочая група, якая з 5 сакавіка пачала работу. У яе склад увайшлі прадстаўнікі міністэрстваў унутраных спраў, жыллёва-камунальнай гаспадаркі. "Мы сумеснымі намаганнямі разглядаем пытанне, што нам зрабіць у далейшым для вырашэння праблемнай сітуацыі з накопліваннем скаргаў і незадавальненнем грамадзян. Асноўная прэтэнзія ў тым, што сітуацыі, звязаныя з бытавымі канфліктамі і шумам, часта не даходзяць да лагічнага выніку", - праінфармавала прадстаўнік Генпракуратуры.

"Работа вядзецца па шэрагу напрамкаў. Думаю, у першай дэкадзе красавіка мы прапануем наша бачанне гэтай сітуацыі, унясём прапановы заканадаўчага характару і механізмаў узаемадзеяння дзяржорганаў", - дадала Марына Папова. У прыватнасці, ідзе размова аб удасканаленні парадку ўзаемадзеяння паміж органамі ўнутраных спраў і жыллёва-эксплуатацыйнымі службамі, каб вызначыць больш выразнае размежаванне, якія органы і як павінны працаваць у канкрэтных выпадках.

Другі напрамак - гэта ўдасканаленне заканадаўства, прадоўжыла яна. "Мы вызначаемся ў неабходнасці магчымага дапаўнення арт. 17.1 Кодэкса аб адміністрацыйных правапарушэннях часткай аб дробным хуліганстве ў быце. Хачу падкрэсліць, што гэта "сырыя" рэчы, і мы, безумоўна, сумесна выпрацуем падагульняючую пазіцыю. Мы думаем аб гэтым напрамку, паколькі ў свой час узнялося пытанне процідзеяння дамашняму насіллю. І тады па ініцыятыве Міністэрства ўнутраных спраў дамашнія пабоі былі вылучаны ў асобную частку артыкула 9.1 КоАП, гэтаму пытанню стала ўдзяляцца больш увагі. Паступова гэта прыносіць свае вынікі", - дадала начальнік аддзела. Напрыклад, калі бытавое хуліганства вылучыць у асобную частку, то органы ўнутраных спраў будуць дакладна разумець: калі адбываюцца бойкі або дробнае хуліганства ў дамашніх умовах у любы час - гэта іх кампетэнцыя. Калі паступіла скарга на шум, які выкліканы правядзеннем будаўнічых работ, то гэта будзе адносіцца да правіл карыстання жылымі памяшканнямі і застанецца за жыллёва-эксплуатацыйнымі службамі.

Паралельна члены рабочай групы ацэньваюць якасць абучэння спецыялістаў эксплуатуючых арганізацый. "Не забываем пра вялікую частку таварыстваў уласнікаў, ЖБК, ЖБСК, дзе кіраўнікі таксама надзелены правам на складанне пратаколаў па такіх правапарушэннях. Згодна з заканадаўствам, гэтыя кіраўнікі могуць назначацца на такія пасады толькі пасля праходжання адпаведнага навучання. Аднак, як паказвае практыка, матэрыял засвойваецца на недастатковым узроўні. Таму мы таксама маем намер ацаніць якасць навучальных праграм, дапоўніць іх пры неабходнасці, а таксама пракантраляваць якасць падрыхтаваных адміністрацыйных пратаколаў", - канстатавала прадстаўнік Генпракуратуры.

Марына Папова адзначыла, што Генеральная пракуратура ўдзяляе вялікую ўвагу праблеме бытавога хуліганства і канфліктаў на гэтай глебе. "Мы гаворым пра яе на працягу апошніх пяці гадоў. Раней мы нават падлічвалі колькасць скаргаў грамадзян адносна бытавога шуму. У 2014 годзе больш за 40 тыс. грамадзян па рэспубліцы звярнуліся ва ўсе інстанцыі, выканкамы, органы ўнутраных спраў, ЖЭСы па такіх выпадках. Ужо тады мы ўзнімалі гэту тэму і разглядалі пытанні ўдасканалення заканадаўства", - канстатавала яна.-0-

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія