25 мая, Мінск /Кар. БЕЛТА/. У Беларусі 5,9 тыс. лагераў прымуць у 2018 годзе дзяцей на аздараўленне. Аб гэтым сёння журналістам паведаміў намеснік дырэктара - начальнік аддзела дзяржаўных закупак і метадычнай работы Рэспубліканскага цэнтра па аздараўленні і санаторна-курортным лячэнні насельніцтва Александр Цай, перадае карэспандэнт БЕЛТА.
Санаторна-курортнае лячэнне і аздараўленне дзяцей - прыярытэтны напрамак у дзейнасці цэнтра. У гэтым годзе плануецца аздаравіць 377 тыс. дзяцей. З іх 219 тыс. у лагерах з дзённым знаходжаннем і 158 тыс. - з кругласутачным. Асаблівая ўвага будзе ўдзелена аздараўленню сацыяльна неабароненых катэгорый дзяцей: пуцёўкамі ў лагеры плануецца забяспечыць каля 14 тыс. дзяцей-сірот і больш за 4 тыс. дзяцей-інвалідаў. У аздараўленчай кампаніі-2018 плануецца задзейнічаць 5,9 тыс. лагераў", - сказаў Аляксандр Цай.
Паводле яго слоў, у бягучым годзе на летнюю аздараўленчую кампанію плануецца выкарыстаць Br43 млн дзяржаўных сродкаў. З іх Br41 млн будзе накіравана на патанненне кошту пуцёвак у аздараўленчыя лагеры, Br1,5 млн на набыццё пуцёвак для льготных катэгорый, Br0,5 млн - на аказанне дапамогі ў падрыхтоўцы стацыянарных лагераў да работы ў летні перыяд. Як і папярэднія гады, доля патаннення ў агульным кошце пуцёвак у лагеры з кругласутачным знаходжаннем дзяцей тэрмінам 18 і больш дзён складзе больш за 40 працэнтаў, а ў лагеры з дзённым знаходжаннем і ў 9-дзённыя - каля 80 працэнтаў.
"Што датычыцца кошту пуцёвак у аздараўленчыя лагеры, то мясцовымі выканаўчымі і распарадчымі органамі ва ўзаемадзеянні з Рэспубліканскім цэнтрам будзе праводзіцца пастаянны кантроль за ўзроўнем цэн і захаваннем іх даступнасці для шырокіх слаёў насельніцтва", - дадаў Аляксандр Цай. Асноўная задача - гарантаваць бяспечнае знаходжанне дзяцей у аздараўленчых лагерах. Таму кругласутачна і ў выхадныя будзе весціся пастаянны маніторынг іх дзейнасці.-0-
