Поўная версія

Тэрмін бязвізавага знаходжання ў Беларусі плануецца павялічыць да 10 дзён у гэтым годзе - Мінспорту

Грамадства 22.03.2018 | 12:49
Гродна. Фота з архіва
Гродна. Фота з архіва

22 сакавіка, Мінск /Кар. БЕЛТА/. Тэрмін бязвізавага знаходжання ў Беларусі можа быць павялічаны да 10 дзён да канца 2018 года, паведаміў сёння журналістам намеснік кіраўніка дэпартамента па турызме Мінспорту і турызму Віталь Грыцэвіч, перадае карэспандэнт БЕЛТА.

"Абазначыць нейкую канкрэтную дату не магу, але думаю, гэта пытанне можа быць вырашана да канца года. Магчыма, і летам, але я баюся даваць канкрэтныя тэрміны", - адзначыў Віталь Грыцэвіч, адказваючы на пытанне, калі ў Беларусі будзе павялічаны тэрмін бязвізавага знаходжання да 10 дзён пры ўездзе праз Нацыянальны аэрапорт Мінск.

Прадстаўнік Мінспорту ўдакладніў, што пытанне прадаўжэння гэтага тэрміну да 10 дзён звязана з вырашэннем шэрага іншых пытанняў, у тым ліку звязаных з міграцыйным заканадаўствам.

Як паведамлялася, у лютым 2017 года пачаў дзейнічаць пяцідзённы бязвізавы рэжым для грамадзян 80 краін. З 1 студзеня 2018 года тэрмін бязвізавага знаходжання замежных грамадзян у асобных раёнах Брэсцкай і Гродзенскай абласцей быў прадоўжаны да 10 дзён.-0-

Навіны рубрыкі Грамадства
Поўная версія