Поўная версія

Скарачэнне дэбіторскай запазычанасці стане важным напрамкам супрацоўніцтва КДК Беларусі і калег з Казахстана

Грамадства 14.02.2018 | 14:54
Леанід Анфімаў. Фота з архіва
Леанід Анфімаў. Фота з архіва

14 лютага, Мінск /Кар. БЕЛТА/. Работа па скарачэнні дэбіторскай запазычанасці стане важным напрамкам сумеснай дзейнасці вышэйшых органаў фінансавага кантролю Беларусі і Казахстана. Аб гэтым паведаміў сёння журналістам старшыня Камітэта дзяржкантролю Леанід Анфімаў, падводзячы вынікі візіту ў Беларусь дэлегацыі Падліковага камітэта па кантролі за выкананнем рэспубліканскага бюджэту Казахстана, перадае карэспандэнт БЕЛТА.

"Некалькі гадоў мы працуем з Падліковым камітэтам Казахстана па праверцы правільнасці залічэння і размеркавання ўвазных мытных пошлін у ЕАЭС, - адзначыў Леанід Анфімаў. - У ходзе гэтага візіту дамовіліся таксама аб узаемадзеянні па скарачэнні дэбіторскай запазычанасці. Гэта патрабуецца сёння ад усіх дзяржаўных органаў, перш за ўсё ад Генпракуратуры і Камітэта дзяржкантролю. Мы ж не можам выйсці на праверку суб'екта гаспадарання, які з'яўляецца рэзідэнтам Казахстана. Таму Падліковы камітэт будзе аказваць падтрымку ў меру сваіх кампетэнцый, каб дэбіторская запазычанасць была пагашана".

Узаемную цікавасць уяўляе барацьба з ілжэпрадпрымальніцкімі структурамі, якія садзейнічаюць арганізацыі ценявога бізнесу ў Беларусі і Казахстане. Камітэты аб'яднаюць намаганні, каб спыняць дзейнасць такіх структур, накіраваную на ўхіленне ад выплаты падаткаў.

"Таксама імпануе, як вядзецца адбор і падрыхтоўка кадраў у калег, выкананне навукова-даследчых работ, звязаных з кантрольнай дзейнасцю. Мы будзем вывучаць вопыт Падліковага камітэта Казахстана, які можа быць карысны пры рэалізацыі норм указа нумар 376 "Аб удасканаленні кантрольнай (нагляднай) дзейнасці ў Рэспубліцы Беларусь", - падкрэсліў Леанід Анфімаў.

У сваю чаргу ўдасканаленне беларускага заканадаўства аб кантрольнай (нагляднай) дзейнасці выклікала вялікую цікавасць у прадстаўнікоў Падліковага камітэта Казахстана.

Трохдзённы візіт, арганізаваны з мэтай абмену вопытам і абмеркавання перспектыўных напрамкаў супрацоўніцтва, завяршаецца 14 лютага. Адбыліся сустрэчы з кіраўніцтвам КДК, калегі з Казахстана азнаёміліся з работай яго структурных падраздзяленняў, удзяліўшы асаблівую ўвагу павышэнню эфектыўнасці выкарыстання бюджэтных сродкаў і дзяржаўнай уласнасці. Таксама госці пабывалі ў Парку высокіх тэхналогій, на буйных прадпрыемствах Беларусі.

Падліковы камітэт з'яўляецца вышэйшым органам дзяржаўнага аўдыту і фінансавага кантролю Казахстана. Супрацоўніцтва вышэйшых органаў фінансавага кантролю Беларусі і Казахстана ажыццяўляецца як на двухбаковай, так і шматбаковай аснове (у рамках ЕАЭС, Савета кіраўнікоў вышэйшых органаў фінансавага кантролю дзяржаў - удзельніц СНД, міжнародных арганізацый INTOSAI, EUROSAI ).-0-

Навіны рубрыкі Грамадства
МЕРКАВАННЕ: Дэпутатам павінен быць чалавек з актыўнай жыццёвай пазіцыяй, які вырашае праблемы людзей
17:16
Дэпутаты павінны ведаць спадзяванні людзей і актыўна вырашаць праблемы выбаршчыкаў - Краўцоў
16:03
Качанава пры выбары дэпутата ў Мінгарсавет ацэньвала дзелавыя якасці кандыдатаў
15:39
Кацярына Дулава. Фота з архіва Мясцовым Саветам патрэбны актыўныя і неабыякавыя да развіцця малой радзімы людзі - сенатар
11:27
Міліцыя забяспечыць парадак і грамадскую бяспеку на выбарчых участках у Беларусі
10:40
Белстат сфарміраваў дарожную карту па маніторынгу дасягнення МУР
16 лютага, 19:55
Жыллё ў Беларусі будзе праектавацца з улікам адасобленага міні-асяроддзя - Чорны
16 лютага, 19:11
Намеснікамі старшыні "Белнафтахіма" назначаны Сізоў і Гурына
16 лютага, 18:31
Плошча асабліва ахоўных прыродных тэрыторый у Беларусі ў 2017 годзе ўзрасла амаль на 13 тыс. га
16 лютага, 16:50
Поўная версія