15 сакавіка, Мінск /Кар. БЕЛТА/. Рэзкае пахаладанне чакаецца ў Беларусі 16 сакавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Пераважна без ападкаў, толькі раніцай і днём па поўдні Беларусі пройдзе невялікі снег. На дарогах магчыма галалёдзіца. Вецер прагназуецца паўночна-ўсходні, усходні 4-9 м/с, днём па захадзе парывы да 14 м/с.
Тэмпература паветра ўначы складзе 2-8 градусаў марозу (пры праясненнях па паўночным усходзе - 9-12 градусаў ніжэй за нуль). Удзень чакаецца ад мінус 1 да мінус 7 градусаў.-0-