Сцяг Пятніца, 29 сакавіка 2024
Усе навіны
Усе навіны
Грамадства
14 чэрвеня 2018, 11:40

Расіяне называюць самай дружалюбнай краінай Беларусь - апытанне

14 чэрвеня, Масква /Эдуард Півавар - БЕЛТА/. Расіяне называюць самай дружалюбнай краінай Беларусь. Аб гэтым сведчаць даныя даследавання, праведзенага сацыёлагамі "Левада-цэнтра", паведамляе БЕЛТА.

Паводле апытання, Беларусь назвалі самым блізкім сябрам і саюзнікам Расіі 49 працэнтаў рэспандэнтаў. У пяцёрку найбольш дружалюбных краін увайшлі таксама Кітай (40 працэнтаў), Казахстан (32 працэнты), Сірыя (21 працэнт) і Індыя (19 працэнтаў).

Найбольш недружалюбнай да Расіі дзяржавай удзельнікі апытання лічаць ЗША: гэты пункт гледжання падзяляюць 78 працэнтаў рэспандэнтаў. Далей ідуць Украіна (49 працэнтаў), Вялікабрытанія (38 працэнтаў), Латвія (26 працэнтаў) і Польшча (24 працэнты).

Апытанне было праведзена з 24 па 30 мая па рэпрэзентатыўнай усерасійскай выбарцы гарадскога і сельскага насельніцтва аб'ёмам за 1600 чалавек ва ўзросце ад 18 гадоў і старэйшыя ў 136 населеных пунктах 52 суб'ектаў РФ.-0-

Падпісвайцеся на нас у
Twitter
Топ-навіны
Свежыя навіны Беларусі