Поўная версія

Прыёмы грамадзян на прадпрыемствах дапамагаюць у поўнай меры вывучыць сітуацыю - Качанава

Грамадства 14.02.2018 | 15:44
У час прыёму грамадзян
У час прыёму грамадзян

14 лютага, Мінск /Кар. БЕЛТА/. Прыёмы грамадзян на прадпрыемствах дапамагаюць у поўнай меры вывучыць сітуацыю, што на іх склалася. Такое меркаванне сёння журналістам выказала кіраўнік Адміністрацыі Прэзідэнта Наталля Качанава па выніках сустрэчы з работнікамі ААТ "МАПІД", перадае карэспандэнт БЕЛТА.

Наталля Качанава адзначыла важнасць правядзення прыёмаў па асабістых пытаннях на прадпрыемствах. "Гэта дае магчымасць у поўнай меры адчуць, якая на іх сітуацыя, як працуюць людзі, якая зарплата, - сказала кіраўнік Адміністрацыі Прэзідэнта. - Можна не толькі пачуць хвалюючыя людзей пытанні, але і азнаёміцца з работай прадпрыемства".

Паводле слоў людзей, якія прыйшлі на прыём, у ААТ "МАПІД" створаны добрыя ўмовы для работы, развітая сацыяльная інфраструктура. Работнікі задаволены, напрыклад, ведамасным інтэрнатам, адзначаюць яго камфортнасць.

ААТ "МАПІД" - адно з буйнейшых будаўнічых прадпрыемстваў. Працуе не толькі ў Беларусі. Так, ва Уладзімірскай вобласці Расіі яно будуе школу, у Вільнюсе (Літва) - пяцізоркавую гасцініцу ў цэнтры. "У прадпрыемства добрыя перспектывы", - пераканана Наталля Качанава.

На прыём да кіраўніка Адміністрацыі Прэзідэнта запісаліся 9 чалавек з рознымі пытаннямі. Некаторыя датычыліся змяненняў у заканадаўстве. Тыя, што знаходзяцца ў кампетэнцыі мясцовых улад, ужо вырашаюцца. Паводле слоў Наталлі Качанавай, працэс будзе паскораны, паколькі на прыёме прысутнічалі старшыня Мінгарвыканкама Андрэй Шорац, кіраўнік Адміністрацыі Фрунзенскага раёна сталіцы Арцём Цуран.-0-

Фота Максіма Гучака.

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія