17 верасня, Мінск /Кар. БЕЛТА/. Прэс-канферэнцыя "Аб падыходах па рэалізацыі ўказа нумар 327 "Аб павышэнні энергаэфектыўнасці шматкватэрных жылых дамоў" адбудзецца ў прэс-цэнтры БЕЛТА 19 верасня ў 11.00.
Прэзідэнт Беларусі 4 верасня 2019 года падпісаў указ нумар 327 "Аб павышэнні энергаэфектыўнасці шматкватэрных жылых дамоў". Дакументам вызначаюцца ўмовы і механізмы ўдзелу ўласнікаў жылых і нежылых памяшканняў у фінансаванні энергаэфектыўных мерапрыемстваў па зніжэнні спажывання цеплавой энергіі ў шматкватэрных жылых дамах, скарачэнні затрат на ацяпленне і павышэнні спажывецкіх характарыстык такіх дамоў.
Згодна з указам рашэнне аб правядзенні названых мерапрыемстваў на добраахвотнай аснове прымае агульны сход удзельнікаў сумеснага домаўладання, калі за яго прагаласавалі ўласнікі, якія маюць больш за дзве трэці галасоў.
Прадугледжваецца, што ў фінансаванні энергаэфектыўных мерапрыемстваў магчымы долевы ўдзел бюджэту і ўласнікаў, а таксама прыцягненне на гэтыя мэты іншых крыніц, уключаючы пазыковыя сродкі міжнародных крэдытна-фінансавых арганізацый.
Аб тым, у якім парадку ўласнікі будуць кампенсаваць затраты, як будзе вызначацца памер кампенсацыі і іншых нюансах дакумента, раскажуць на прэс-канферэнцыі прадстаўнікі Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь і Міністэрства жыллёва-камунальнай гаспадаркі Беларусі.
Акрэдытацыя СМІ абавязковая. Зарэгістравацца можна па тэлефонах (017) 327-24-47, (044) 583-84-04 (+ Viber, Telegram), электроннай пошце: pressuser@belta.by і на сайце БЕЛТА www.belta.by. Электронныя заяўкі дзейнічаюць толькі пасля атрымання пацвярджэння прэс-цэнтра. Адрас прэс-цэнтра БЕЛТА: г. Мінск, вул. Энгельса, 30-303.-0-