6 кастрычніка, Мінск /Кар. БЕЛТА/. Павышэнне пенсійнага ўзросту не акажа прыкметнага ўплыву на дзяржаўны пазабюджэтны фонд сацыяльнай абароны насельніцтва. Аб гэтым заявіла ў Савеце Рэспублікі міністр працы і сацыяльнай абароны Мар'яна Шчоткіна, перадае карэспандэнт БЕЛТА.
"Павышэнне пенсійнага ўзросту ў нас прадугледжана з 1 студзеня 2017 года, таму, зразумела, эфектаў тут яшчэ прыкметных мы не ўбачым. Але мы разлічваем, што ў нас павялічыцца колькасць занятых у эканоміцы, - сказала міністр. - Вельмі важна, каб выконваўся артыкул Працоўнага кодэкса, які звальненне чалавека па прычыне дасягнення пенсійнага ўзросту разглядае як дыскрымінацыю".
Паводле інфармацыі Мар'яны Шчоткінай, у Беларусі працуе 660 тыс. пенсіянераў. "У іх павінна быць такая магчымасць (дапрацаваць да пенсіі. - Заўвага БЕЛТА). Адзіны крытэрый - гэта іх прафесіяналізм", - рэзюмавала яна.-0-
